" DAPIT - HAPON "

Joel Tavarro · by Joel Tavarro on Thu Nov 06, 2008 8:34 pm

DAPIT-HAPON
Joel Y. Tavarro

Sa bawat pagpatak ng mapagpalang ulan
Dulot na biyaya, sa lupa ay kasaganaan
Ang binhi kung itinanim ay dapat na alagaan
Upang tumubong mabuti at makita ang kahalagahan.

Tulad ng isang punong-kahoy, kapit ay matatag
Hipan man ng malakas na hangin, hindi basta mabubuwag
Subuking salantain ng matindi�t malakas na bagyo
Lagas man ang daho�t bali ang sanga, mananatiling nakatayo.

Ngunit ang katotohanan sa paglipas ng mga panahon
Ito ay humihina, natutuyo, tumatanda rin paglaon
Tulad sa buhay ng tao, huwag aksayahin ang pagkakataon
Samantalahing magkaroon, kaloob ng mahal na Panginoon.

Katulad ng mga makata na mahilig humabi at lumikha
Nakagawian at libangan ang gumawa�t kumatha ng mga tula
Hindi upang hangaan kundi makapagbigay ng saya sa kapwa
Darating ang araw na ang galling ay huhupa, ito�y mawawala.

Ang katulad kong baguhan sa larangan ng likhaan
Mayroon din naming humahanga hanggang sa kasalukuyan
Di kinalaki ng ulo pagkat batid kong ako�y mapaglilipasan
Sa panahong itinakda, ako man din ay mapag-iiwanan.

Ang dapit-hapon ay sadyang dumarating sa ating lahat
Di nababahala sapagkat ang ngalan ko�y iiwang parang alamat
Sa aking mga naibahagi, sana ay marami ang namulat
Nawa ay umukit sa isipan ng lahat, sa inyo Maraming Salamat!

amie sison · by amie sison on Mon Nov 10, 2008 2:05 pm

kailan po balik mo? best wishes!~

" DAPIT - HAPON "

" DAPIT - HAPON "

Re: " DAPIT - HAPON "