" BRILYANTENG KAIBIGAN "

Joel Tavarro · Subject: " BRILYANTENG KAIBIGAN " Fri Nov 07, 2008 10:45 pm

BRILYANTENG KAIBIGAN
Joel Y. Tavarro

Palaging sa iyo ang takbo kapag may hinagpis
Ang balikat mo ang yakap habang tumatangis
Kung ikaw ang kasama, dinaramdam ay naaalis
Hinahangaan at ipinagmamalaki kita ng labis.

Ang tunay na kaibigan ay mahirap matagpuan
Na maaasahang tunay at mapagkakatiwalaan
Sa mga problema't at pagkabalisa, sa tuwina'y nariyan
At handang dumamay sa oras ng pangangailangan.

Nakikinig kung may hinaing at silbing hingahan
Kaibigang nagpapalakas sa tuwing pinanghihinaan
Walang sawang nagtutuwid, kung mali'y pinaaalalahanan
Bagamat minsan ay dumarating na nagkakatampuhan.

Ito'y nangyayari, di maiwasan at natural lamang
Para magkaunawaan, bawat isa ay magkapalagayan
upang lumalim at bumuti ang samahang pangmatagalan
Ang paggalang na tunay ay dapat pahalagahan.

Kaibigan na karamay sa oras ng pighati at kasawian
Sa hirap man o ginhawa, umaalalay maging sa kalungkutan
Palaging kaagapay, maging sa kasayahan ay nariyan
Kasa-kasama lagi sa tuksuhan, biruan at kulitan.

Kaligayahan at kayamanan ka sa puso at isipan
Ang isang tulad mo'y mahirap matagpuan
Maging kaibigan ka ay isang malaking karangalan
Marapat na pakaingatan, tulad mo'y brilyanteng kaibigan.

reeve · Subject: Re: " BRILYANTENG KAIBIGAN " Fri Nov 07, 2008 10:59 pm

Maraming salamat bro. Joel,

Enjoy your vacation sa Pinas
Sana makabalik kp dito kung hndi mag petition kami hehehe..

Meron ka pla brilyanteng kaibigan, mabuti nman bro. Joel. Wla b gintong kaibigan? hahaha..

Von voyage nlng bro sa pag uwi mo Pinas maraming brilyante duon hahaha God bless you... hanga

amie sison · Subject: Re: " BRILYANTENG KAIBIGAN " Mon Nov 10, 2008 2:06 pm

nabasa ko itong title na ito sa caption ng picture natin sa friendster ni kuya jun...hehe!