WALANG NAGBAGO...

Tumatanda ka na, tol.

Nasa Friday Magic Madness na yung mga paborito mong kanta.

Parang botika na ang cabinet mo. May multivitamins, vitamin E, vitamin C,
royal jelly, tsaka ginko biloba.

Dati, laging may inuman. Ngayon, nagkukumpulan na lang kayo ng mga kasama
mo sa Starbucks at order ng tea.

Wala na ang mga kaibigan mo noon. Ang dating masasayang tawanan ng
barkada sa canteen, napalitan na ng walang katapusang pagrereklamo
tungkol sa kumpanya ninyo. Wala na ang best friend mo na lagi mong
pinupuntahan kapag may problema ka. Ang lagi mo na lang kausap ngayon e
ang kaopisina mong hindi ka sigurado kung binebenta ka sa iba pag
nakatalikod ka. Ang hirap nang magtiwala.

Dati halos mamilipit ka sa upuan tuwing nakikita mo crush mo. Lalo na
kung kissable lips at nakakatunaw ang katawan. Ilang beses ka nang sinita
ng professor mo, pero tuloy ka pa rin sa hallucination mong kinakausap ka
ng crush mo. Pero ngayon galit ka na sa kanila. Feeling mo lahat sila
manloloko. Feeling mo wala sa kanilang seseryoso sayo. Gusto mo na lang
ng anak ayaw mo na ng asawa.

Mahirap nang makahanap ng totoong kaibigan. Hindi mo kayang pagkatiwalaan
ang kasama mo araw-araw sa opisina (Not all the time,pero kadalasan).
Kung sabagay,nagkakilala lang kayo dahil gusto ninyong kumita ng pera at
umakyat sa tinatawag nilang "corporate ladder". Anumang pagkakaibigang
umusbong galing sa pera at ambisyon ay hindi talaga totoong
pagkakaibigan. Pera din at ambisyon ang sisira sa inyong dalawa.

Pera. Pera na ang nagpapatakbo ng buhay mo. Alipin ka na ng Meralco,
PLDT, SkyCable, Globe,Smart, at Sun. Alipin ka ng Midnight Madness.
Alipin ka ng tollgate sa expressway. Alipin ka ng credit card mo. Alipin
ka ng ATM. Alipin ka ng BIR.

Dati-rati masaya ka na sa isang platong instant pancit canton.
Ngayon,dapat may kasamang italian chicken ang fettucine alfredo mo.
Masaya ka na noon pag nakakapag-ober- da-bakod kayo para makapagswimming.

Ngayon,ayaw mong lumangoy kung hindi Boracay o Puerto Galera ang lugar.
Nasa bakasyon ka pa lang, iniisip mo na na next time out of the country
naman: Thailand , tapos around the Europe tapos Mediterranean Cruise!

Dati, sulit na sulit na sa yo ang gin pomelo. Ngayon,pagkatapos ng ilang
bote ng red wine, maghahanap ka ng San Mig Light o Vodka Cruiser.

Wala ka nang magawa. Sumasabay ang lifestyle mo sa income mo. Nagtataka
ka kung bakit hindi ka pa rin nakakaipon kahit tumataas ang sweldo mo.
Yung mga bagay na gusto mong bilhin dati na sinasabi mong hindi mo
kailangan, abot-kamay mo na. Pero kahit nasa iyo na ang mga gusto mong
bilhin, hindi ka pa rin makuntento.

Ang problema kasi sayo, nakikipagsabayan ka sa ibang tao. Feeling mo
dahil lang na-achieve na nila ang isang bagay, kailangan ikaw din.
Masyado ka kasing insecure. Naiinggit ka sa kanila. Gusto mong maging
katulad ng kuya mo, gusto mong makipagsabayan sa kaibigan mo. Nabubulag
ka sa ilusyon na pinapakita nila. Bakit? Sigurado ka ba talagang mas
masarap ang buhay nila? Baka nga mas masaya ka pa e.

Saan ka ba papunta? Tol, gumising ka. Hindi ka nabuhay sa mundong ito
para maging isa lang sa mga baterya ng mga machines sa Matrix. Hanapin mo
ang dahilan kung bakit nilagay ka rito. Kung ang buhay mo ngayon ay
uulit-ulit lang hanggang maging singkwenta anyos ka na,magsisisi ka.

Lumingon ka kung paano ka nagsimula. Sa totoo lang madali lang namang
lumigaya sa mundong ito. Ikaw lang ang nagpapakomplikado - ang dami mo
kasing gusto. Tigilan mo na yang mga reklamo mo.

Ikaw ang nagbago, hindi ang mundo...

Napakaganda naman ng ibinahagi mo dito,sana hindi lang ako ang makabasa nito,sana lahat tayo para kahit papano magkaroon ng pagbabago, lalo na yong mga nalulunod na dahil sa dami ng pera o matiryal na bagay na nakapaligid sa kanila.

oo nga tama ka dyan.
pera, luho at kung ano ano pang makamundong pananaw
walang kabuluhan yan.
think the eternal thru jesus

ang ganda...as in...
so inspiring din...
thanks for sharing & God bless!!!

tama po, ang pera, luho or luxuries ay hindi natin madadala sa paraiso, sana po eh yung kagandahan ng kalooban at pagiging humble ang mangibabaw satin. At sana andun lagi yung contentment/satisfaction sa ating buhay, ako nga mejo tinamaan lalo na sa linyang "Ikaw ang nagbago, hindi ang mundo...", hehe...

thanks po sa pagshare. ingat po. Godbless...